Ibhanga elikhulu lelizwe iReserve Bank of Zimbabwe selethule imali entsha i 10, 20, 50 le 100 trillion dollars ebambeneyo. Ingcwethi kwezenotho zithi lokhu kutshengisa ukuthi iInflation isiqonge yafika kusibanga esiphezulu kakhulu esingaba phezu kwe 231 million percent.
I 10
trillion ibikhangelelwe ukuqala ukusebenza namhla kodwa inengi esikhulume lalo
lithi ibingatholakali emabhanga. Amabhanga ambalwa athi athole imali le emini ngoba ephuze ukuyizuza isuka eRBZ. I 20,
50,le 100 trillion ikhangelelwe ukuqala ukusebenza kusikhatshana esilandelayo.
Ingcwethi kwezenotho zithi ukwehluleka kukahulumende ukuholisa amasotsha kukhomba ukuthi bekumelelwe yonale imali entsha ngoba amabhanga ebengasoze enelise ukuholisa amasotsha ngoba imali isilela. I 10 trillion dollars ibikwa isenela ukuthenga amalofu amahlanu esinkwa ngoba sesiyi 2trillion dollars. Idollar leMelika elilodwa lalo seliyi 2trillion dollars.
UBrenda Moyo weStudio 7 ukhulume lomnini bhizimusi wako Bulawayo uMnumzana Alex Goosen othi imali ezinkulu lezi eziqhubeka zisethulwa yiRBZ azincedi lutho.