UMongameli Robert Mugabe ubikwa selobele umkhokheli welinye lamacele eMDC, uMnumzana Morgan Tsvangirai incwadi emema okusemthethweni ukuthi angene kuhulumende womanyano athathe isikhundla sakhe sokuba yinhloko kahulumende, u Prime Minister.
Laloba
amacele womabili eMDC elandule limbiko, isiphathamandla seZanu PF kugatsha olubona ngokwethulwa kwemibiko, uMnumzana Chris Mutsvangwa utshele iStudio 7 ukuthi incwadi le ithunyelwe kubandla
likaTsvangirai ngolweSithathu.
Ukuze uMnumzana Tsvangirai abe yinhloko kahulumende njengokutsho kwesivumelwano esilotshelwane phakathi kweZanu PF leMDC esokubumba uhulumende womanyano phakathi kwamabandla la, kumele akhethwe nguMongameli Mugabe okusemthethweni kanye labasekeli bakhe ababili.
Kodwa ukubunjwa kukahulumende lo kukhanya kusehlula ngenxa yokukudonselana okukhona phakathi kweMDC kaTsvangirai leZanu PF phezu kokwabelana izikhundla zedale lecabinet.