Umkhuhlane we cholera ubikwa usubulele abantu abedlula amakhulu ayisitshiya ngalombili elizweni jikelele lokhu uqhamukeyo njalo ingcwethi kwezempilakahle zithi ulakho ukuqhubeka umemetheka. Lokhu kwenzakala uhulumende we Zimbabwe elokhu egcizelela ukuthi umkhuhlane lo uwethulelwe ngamazwe aphetsheya, afuna ukususa umongameli Robert Mugabe embusweni afake amfunayo. Ele Botswana lamuhla lethula umbiko othi selimise ukuthengiswa kwemibhida edliwa ingaphekwanga, amasalads eFrancistown njalo seliqhelise amanyathela alo okufundisa abantu ngokuzivikela kulumkhuhlane, kukanti abantu akusafanelanga bezidobhele ukudla okufana lezinkwa nxa bethenga.
USithandekile Mhlanga we studio 7 uxoxe lodokotela Muriel Falala yena othi okuzabangela ukuthi umkhuhlane lo umemetheke yikubhidlika komnotho welizwe.