Uhulumende weleBotswana usefake umthetho wokuthi izizalwane zeZimbabwe sekumele zingavunyelwa ukuthenga amasaka empuphu adlula amabili. Inyathelo leli liza ngemva kokukhonona kukahulumende wakweleBotswana esithi izizalwane zeZimbabwe sezithwalise nzima lelolizwe ngoba uhulumende walelolizwe ehlawula izigidi zamapula ngenyanga ukunakekela iziphepheli zezimbabwe.
Ukwaba inani lempuphu ethengwayo lokhu kuzengezelela udubo lokusilela kwempuphu eZimbabwe ngoba impuphu ingatholakali eZimbabwe. Abaninibhizimusi abanengi besebethenga impuphu kwelebotswana ethengiswa ngamasaka alesisisindo se 12.5 kilograms bayithengise eZimbabwe ngemali edlula amarand akwele South Africa alikhulu yon ithengwa ngamapula angamatshumi amane kweleBotswana. Abaninibhizimusi bakweleBotswna batshele iphephandaba leChronicle lamuhla ukuthi izizalwane zeZimbabwe besezithenga impuphu eyizinkulungwane lezinkulungwane zamasaka ngelanga osekubangele ukuthi isilele kwelBotswana ikakhulu edolobheni leFrancistown.
Omela iMangwe edaleni lephalamende njalo wake wabalilunga lekhomidi emela ezokudla, uMnu. Edward Mkhosi engowecele leMDC ekhokhelwa nguMnu. Arthur Mutambara utshele iStudio 7 ukuthi inyathelo leBotswana lizengezelela udubo lokusilela kwempuphu elizweni.
Ezinye izindaba zeStudio7 …