Kubotshwe amalunga edlula angamatshumi amabili enhlangansio edinga ukulotshwa kwesisekelo sombuso esitsha eyeNational Constitutional Assembly-N-C-A ekutshengiseleni obekuqoqwe yile inhlanganiso elizweni jikelele. Abalilitshumi lambili babotshwe edolobheni leMutare, kwathi abayisithupha babotshwa edolobheni lakoBulawayo. Umgcinisihlalo wenhlanganiso le uMnumzana Lovemore Madhuku laye uke wavalelwa ngamapholisa eHarare okwesikhatshana kodwa waphinda wakhululwa.
Amapholisa avimbe ukutshengisela kweHarare kodwa e Masvingo, Gweru lakoBulawayo iNCA ithi ukutshengisela kuphumelele. UBrenda Moyo weStudio 7 ukhulume lomgcinisihlalo walinhlanganiso le koBulawayo uMnumzana Sibusiso Moyo ochasisa injongo yokutshengisela kwabo.
Kunjalo nje ingcwethi ecubungula ezombusazwe uMnumzana Walter Nsununguli Mbongolwane uthi inhlanganiso ezihlezi zitshengisela zenza umsebenzi omuhle ngoba lokhu kwenza umhlaba wonke uhlale usazi ukuthi udubo lweZimbabwe luqhubekela phambili.
Ezinye Indada ZeStudio7...