Udubo lokuswelakala kwemali lubikwa luqhubekela phambili elizweni njalo inengi lithi ukwethulwa kwe $50 000 entsha kuthange kungani kwengezelele loluhlupho kulokulwenza lubenganeno. Amabhanga abonakala elendwendwe ezinengi agoqela i Kingdom, i CABS, i Beverley Building Society kanye le Post Office Savings Bank.
Kodwa indwendwe ezise mabhanga agoqela i CBZ, i Intermarket, i Barclays kanye le Standard Chatered zibikwa zinganeno.
USithandekile Mhlanga we studio 7 uxoxe labalaleli bethu abasithumele ama text messages omunye ese Harare omunye eko Bulawayo bonke abakhala ngokuthi intengo yezinto lokhu iqonga okwesabekayo lokhu kwethulwe imali entsha.