Inkokheli yebutho lamapholisa ibikwa iyiyo enyathezela ukuphumelela kokubunjwa kukahulumende womanyano ngoba isesaba ukuthi lokhu kungaphumelela izathoniswa. Imbiko ephume kumaphephandaba ebulenjini ithi lokhu kubemgceke kuviki edluleyo lapho uMongameli Mugabe aze azabele izikhundla zabaphathintambo abagoqela okwenzakala elizweni, iHome Affairs okungabangela ukudingisiswa kwamacala lesikamphthintambo wezomvikela, idefence. Limbiko ithi njalo inkokheli yebutho kayifuni ukusebenzelana loMnu. Tsvangirai ngoba yake yakubeka sobala ukuthi kayisoze yafa yamhlonipha njengomkhokheli ngoba engalwanga impi yenkululeko. Umkhokheli wenhlanganiso yeZimbabwe Liberators Peace Initiative, uMnu. Maxwel Mkandla owalwa impi yenkululeko utshele uChris Gande weStudio 7 ukuthi mpela kulokugedla kwamazinyo enkokheli yamabutho ezama ngamandla wonke ukuthi inkulumo zingaphumeleli.
Ezinye izindaba zeStudio 7….