Udubo lokusilela kwemali emabhanga luqhubekela phambili ngesikhathi ibhanga elikhulu lelizweiReserve Bank of Zimbabwe selethule imali entsha i$10.000 le $20.000 njalo uzulu esevunyelwa ukuthatha i$20.000 ngelanga isuka ku $1000.
Izolo lanamhla bekulendwendwe ezinde emabhanga emadolobheni agoqela iHarare leBulawayo abantu bezama ukuthatha imali. Abanye abantu abehluleke ukuthatha imali izolo bacine belala belindele ukuthatha imali yabo namhla.
Isisebenzi selinye ibhanga lakoBulawayo esingathandanga ukuqanjwa ngegama sitshele uBrenda Moyo Westudio 7 ukuthi emabhanga kulokusilela kwemali ezincinyane ezifana le $500 lama $1000 osokubangela uhlulpho ebantwini abafuna ukuthatha imali ephansi kwe $10.000 kumbe i $20.000.
Ezinye Indaba ZeStudio 7