Abasekeli beZanu PF babikwa bethumbe umsekeli weMDC, uMnu. Moses Chirau eBuhera South esigabeni seManicaland ngoMgqibelo. Sikhuluma nje uCharau kaziwamuntu ukuthi ungaphi. Unkosikazi Juliet Dakacha omunye owaayethunjiwe ngabasekeli beZanu PF kuviki edluleyo ubikwa ekhululwe kodwa eseke watshaywa waphinda wahlukuluzwa kwenye inkamba yokuhlukuluza abantu ethiwa mutiusinazita.
UChirawu othunjiweyo ngomfowabo kaKillian Chirau othethe uDakacha owayethunjiwe. Abazi ngokwenzakalayo bathi owayemele athunjwe nguKillian Chirau kodwa kwatholakala unkosikazi wakhe. Kunjalo nje inengi labalimalayo ngokutshaywa ngesikhathi sokukhankasela ukhetho libikwa lilokhu lilamanxeba lisehluleka ukuya esibhedlela ngokuswela imali.
Kodwa isiphathamandla senhlanganiso yeNANGP, uMnu. Peter Muchengeti utshele uChris Gande weStudio 7 ukuthi eGokwe abatshaywayo laloba belemali bayehluleka ukwelatshwa ngoba bevinjwa ngabasekeli beZanu PF.