Lanxa uhulumende esithi uhlelo lwakhe lokuthengisa izinto ezimqoka empilweni kazulu ngentengo ephansi alubandlululi ngokuthi umuntu ngowaliphi ibandla imbiko esiyitholayo ithi akunjalo.
Phansi kokhelo lolu izimuli zithengiselwa into ezifana lempuphu, isepa
lamafutha okupheka lokunye okunjalo ngentengo ephansi kwaleyo esetshenziswa
ezitolo.
Uhlelo lolu, oluthiwa yiBasic Commodity Accessibility Program luphawulwe nguMongameli Robert Mugabe ngeviki edluleyo. Lapho oseluqale khona loluhlelo kubikwa kuthengiselwa abasekeli beZanu PF kuphela. Loluhlelo lukhokhelwa yiziphathamandla zebutho kanye lamasotsha.
Isikhulumi senhlanganiso yezakhamizi zeHarare, iCombined Hararre Residents’ Association, (CHRA), uMnu Mfundo Mlilo utshele uChris Gande weStudio 7 ukuthi ukudla okuthengiswa phansi kwaloluhlelo kulutshwana njalo sekuqalisile ukutholaka emkambo wensitha kuthengiswa ngabasekeli beZanu PF.