Abalandeli beqembu elimela ilizwe emdlalweni wenguqu bakhala ngokuba abadlali abadlala besekhaya bengenza ngcono kulokaputeni waleliqembu u Benjani Mwaruwari yena ongakalitshayeli emambuleni selokhu kuqale imidlalo yalonyaka khona kunguye obekukhangelelwe kuye.
Owenza izifundo zemidlalo u Sdani Dlodlo uthi abadlali abathi u Evans Chikwaikwai kanye lo Cuthbert Malajila balitshayela emambuleni phose viki zonke esithi kumele ukuba ngabe bayingxenye yeqembu lesizwe elikhankasela ukuyaphatheka kumidlalo yezizwe zomhlaba ngomnyaka ka 2010 ngoba kungancedi ukukhetha abadlali ngokuthi badlala bephetsheya ngoba lokhu kungayi ngobuntshantshu kodwa kusiya ngenhlanhla yokuthola ithuba lokuyazama inhlanhla phandle kwelizwe.
Abanye njalo abalandela imidlalo yeqembu lesizwe ngabathi abazi ukuba ukaputeni weqembu lesizwe u Benjani Mwaruwari uncengwani ngoba engenzi umsebenzi wakhe wokutshaya amanethi besithi mhlawumbe u Mwaruwari uyaphathisa ngemali yikho engakhitshwa kuleli qembu yena engenzi lutho.I Zimbabwe inqotshwe okwakuqala selokhu kuqale umkhankaso walonyaka lapho itshaywa yi Kenya nge 2 ka nya ikanti i Guniea inqobe i Namibia nge 2 ka 1 okuyimpumela etshiye wonke amaqembu akulesisibaya elethuba lokudlulela esigabeni esilandelayo njalo i Zimbabwe sekumele inqobe kiyo yonke imidlalo yayo emibili ezayidlalela isekhaya ukuze iqhubekele phambili ikulumncintiswano
........................................................................................................................................................................................................................................................................................................................................ Sikhangele ukuba zidlale njani kulipmpelaviki edluleyo esigabeni se Premier Soccer League;isimo sengalane yemiklomelo sibe lenguquko ethile ngemva kokuba iqembu le Monomotapa likhuphuke lahlala esigabeni sesibili ngemva kokubhula kwalo i Eastern Lions nge 4 ka 1 kuthi i Njube Sundowns ikhuphuke yayahlala esigabeni sesithathu ngemva kokutshaya i Chapungu nge 3 ka nya, i Highlanders itshaye i Motor Action nge 3 ka nya, i Masvingo United idle i Kiglon nge 1 ka nya, i Caps United ikhulele i Lengthens nge 1 ka zero kuthi i Underhill le Lancashire Steel zibe ngutshiki lobhanqa zer0 ka zero, yonke limidlalo ibekhona ngoMgqibelo ikanti ngeNsonto i Dynamos idle i Gunners nge 2 ka 1. ...................................................................................................................................................................................................................................................................................................................................................Umdlali Umdlali wakuleli u Stephen Muzingi uphakamisele phezulu igama le Zimbabwe lapho ephutsha umncintiswano we Comrades Marathon wase South Africa ekusigaba sesithathu ngeNsonto.Kulabadlali abedlula inkulungwane ezilitshumi lanye abaphuma emazweni phose angamatshumi amahlanu abaphatheke kulimidlalo ogijinywa phakathi kwamakhilomitha angamatshumi athoba minwe mbili lasikhombisa. Onqobileyo ngu Leonid Shvetsov wase Russia onguye onqobe njalo nyakenye ikanti kusigaba sesibili ngu Juroslav Janicko wase Poland.