Inhlanganiso ebona ngelungelo likazulu, iZimbabwe Peace Project ithi kukhangelelwe ukuqhamuka udlakela phambilini kokhetho olumanyanisiweyo kunyanga ezayo. Kumbiko ayethulele intathelizndba izolo, umkhokheli walinhlanganiso, uNkosazana Jestina Mukoko uthi iMasvingo yiyo ekhangelelwe ukuba lodlakela olunengi ngoba kuyikho lapho okudabuka khona oweyengumphathintambo wezemali, uMnu. Simba Makoni.
Kodwa umukoko wengezelele esithi iMasvingo, lenkabazwe, imdilands layo ikhangelelwe ukuba lodlakela ngoba kunketho ezenzwayo kuminyaka edluleyo lezi zigaba zelizwe zandise ukuba lodakela. Limbiko iza ngemva kokuba amazwe omhlaba agoqela eleBhilitane leleMelika esekhiphe imbiko ethi ayilathemba lokuthi ukhetho luzaqutshwa ngokuthula kungelakuqilibezela.
Ingcwethi kwezombusazwe njalo engumgcinisihlalo wabasakhulayo kunhlanganiso edinga isisekelo sombuso esithsa, iNCA, uMnu. Alois Dzvairo utshele uChris Gande weStudio 7 ukuthi lanxa okwakathesi kusathule khona sekusekusele inyanga eyodwa ukuthi kwenziwe ukhetho udlakela lulakho ukuqhamuka kumalanga amalutshwana alandelayo.