Inhlanganiso ye Zimbabwe National Traditional Healers Association, iZINATHA, ithi ibhalisa amalunga ayo azama ukwelapha umkhuhlane wengculaza, ukwenzela ukuthi kubonakale abaqotho laba phongu qila abantu nje.
Obona ngokwethulwa kwembiko kulinhlanganiso, u Mnu Tapera Dzviti ubikwa esithi odokotela bazathumela izigulane ezingakaqalisi ukunatha amaphilisi ama ARVs kulezinyanga ukuthi ziqale ukwelatshwa ngemithi yesintu njalo kuzabe ku dingisiswa ukuthi i cd4 Count yabo iba ngcono na ukwenzela ukuthi kwazakale inyanga eziyizo ezingalwisana lomkhuhlane lo ngokuqotho.
Umsekeli kamgcinisihlalo wenhlanganiso ye Zimbabwe Network of People Living with AIDS, i ZNNP+, uMnu. Sikhumbuzo Mvinjelwa utshele uSithandekile Mhlanga ukuthi kulungile ukuthi abantu abaphila legcikwane le AIDS belatshwe zinyanga ngoba imithi yama ARVs iyasilela.
Usithandekile Mhlanga we studio 7 uphinde waxoxa lo dokotela Joshua Sibanda, othi abantu abanatha amaphilisi ama ARVs akumelanga bewahlanganise lomuthi wesintu ngoba akusoze kusebenze.