Inhlanganiso ezizimeleyo zithi ziyasekela udaba lokumanyana kwamabandla aphikisayo ukuthi kubelomanyano oqinileyo ozamelana loMongameli Robert Mugabe ekhethweni oluzayo. Kodwa ezinye zalezinhlanganiso zithi azikabi lolwazi lokuthi umanyano lo umi njani lokuthi kuyini okuqoqwayo.
IStudio 7 ikhulume lomqondisi wenye yalezinhlanganiso, iBulawayo Agenda, uMnumzana Gorden Moyo othi inhlanganso yakhe ayikezwa amalungiselelo enziwa ngabamabandla la okubumba lumanyano. Umkhokheli webandla leZapu FP, uMnu. Paul Siwela utshele uChris Gande weStudio 7 ukuthi useke walandwa yiziphathamandla zemdc zifuna ukuthi bakhulumisane ngodaba lokumanyana.