Umumo wenotho yelizwe uyaqhubeka usiba mubi kakhulu uma kuqathaniswa iholo lezisebenzi lokuqonga kwentengo yezinto ezimqoka empilweni kazulu. Iholo lenyanga eyodwa lesisebenzi sikahulumende 1 $20m lenela ukuthenga imigodla yama 10kg emphuphu angaphansi kwalitshumi. I 10kg yemphuphu ibiza i 2,2 million dollars kumbe ukwedlula. Izinto zilokhe zisilela ezitolo ezinengi emadolobheni afana le Bulawayo, Gweru, Masvingo lamanye.
Kodwa e Harare izitolo ezigoqela o TM labo Spar impahla zibikwa sezigcwele kodwa intengo yazo yiyo engafinyelelwa ngabanengi. UMnumzana Brighton Moyo isakhamuzi se Magwegwe ko Bulawayo uthi Kobulawayo izinto zitholakala emikambo yomkotho, eminengi yakhona ekuLobengula street.