Ikomidi ebona ngokwenzakala elizweni edale lephalamende ye South Africa, lamuhla yethula umbiko othi abadinga ubuphepheli kulelolizwe, inengi kuyizizalwane zeZimbabwe, baphathwa njengenyamazana emahofisini alolugatsha.
Umgcinisihlalo walikomidi, uMnu. Patrick Chauke, utshele leli dale ukuthi bavakatshele emahofisini e Cape Town bengalindelwanga bathola omunye evalelwe esambuzini ngendlela yokumjezisa ngokungekho emthethweni.
Lokhu kulandela ukutshengisela kwezizalwane ze Zimbabwe phandle kwalawo mahofisi zisola ukungathembeki kweziphathamandla lokungaphathwa kuhle.
USithandekile Mhlanga we studio 7 uxoxe lesiphathamandla senhlanganiso ebona ngokulondolozwa kwamalungelo ezizalwane ze Zimbabwe e South Africa, i Zimbabwe Exiles Forum, uNkosazana Anna Moyo, ukuze sizwe okunengi ngokuphathwa kwalababantu kulelolizwe.