Abahlabeleli bakwele South Africa bakhuthaza imfundiso kuzulu, ikakhulu abasakhulayo emayelana lokuzivikela ekuthatheni igcikwane lengculaza, bekhuthaza lenkokheli yamazwe ezwekazi le Africa ukuthi nxa ethola imali yokuvikela imikhuhlane efana le HIV AIDS, Malaria, i TB leminye kumele imali le isetshenziswe kulezinhlelo hatshi ukuphanjulwa isiwa kwezinye.
Ilizwe le South Africa lilomdlalo omkhulu wabahlabeleli abavela emhlabeni wonke jikelele wokunanza ilanga le World Aids Day ekuqaleni kwenyanga ka December. Umkhosi lo othiwa yi 46664 Campaign okhokhelwa ngowayenguMongameli walelilizwe uMnumzana Nelson Mandela ukhangelelwe ukuletha imali ezaphathisa inhlelo ze HIV le Aids kulelilizwe.