Idale lephalamende liphasise umthetho ojonge ukususa amankampani amakhulu ezandleni zabamhlophe uwanikeza abensundu owe Indegenisation and Economic Empowerment Bill.
Amalunga aleli dale ikakhulu awe MDC abe ngavumelani lawo okubangele ukuthi athe ebona esenqotshiwe ahle aphuma edale. UNtungamili Nkomo ubelengxhoxo lomeli weNkayi edaleni lephalamende uMnu. Abednico Bhebhe othi bona kabavumelani lokuthi abensundu banikwe amandla okuthi babe lesilinganiso sokungamatshumi amahlanu lanye ekhulwini kumankampani la ngoba kuzifananela lokuthathela abanikazi abamhlophe amabhizimusi abo njengalokho okwenziwa kuhlelo lokubathathela amaphulazi.
UNtungamili Nkomo uphinde waxoxa njalo lesiphathamandla se Black Economic Empowerment uMnu Sam Ncube othi yena laloba besekela ukunikezwa kwabensundu amandla kwezamabhizimusi, bayasola lumthetho ngoba isibonelo sokwabiwa komhlabathi siveze sobala ukuba balutshwana abansundu abalolwazi lamandla okuzenzela baphumelele.