Amapholisa aqhubekele phambili ngokubopha iziphathamandla zeZCTU lamuhla phezu kodaba lokukhalala imisebenzi okuqoqwe yilinhlanganiso kusasa langoLwesine.
Amapholisa abophe iziphathamandla zeZCTU ezimbili egweru lamuhla kuthi eChinhoyi abopha esisodwa, kodwa aphange asikhulula. Aphinde njalo abopha iziphathamandla ezimbili koBulawayo. Ezintathu zibotshwe izolo. Imbiko esisanda yamukela ithi kubotshwe njalo lesiphathamandla seWOZA unkosazana Magodonga Mahlangu. IWOZA ithi kayisazi isizatho sokubotshwa kukamahlangu kodwa icabangela ukuthi kungaba lokwenza lokutshengisela.
Unobhlala jikelele weZCT uMnu. Wellington Chibhebhe utshele iStudio 7 ukuthi laye utbizwe ngamapholisa ukuthi ebuye enkambeni, kodwa ubesithi kasoze ahambe. Wengeze wathi amapholisa avimbele amagqhwetha abathathu ababotshwe eHarare izolo ukuthi ababone njalo abaphathele ukudla. Kodwa uthi konke lokhu kakusoze kubethusele njalo ukukhalala imisebenzi kwakusasa kuyaphambili.