Icele le MDC elikhokhelwa nguMnumzana Arthur Mutambara lithi lehlulekile ukwenza umhlangano walo lamuhla esigabeni se Hwange ngoba abantu besuke bagijimela ukuyafolela umumbu obusabiwa ngu khansila wesigaba se Ndlovu duze lalapho umhlangano obukhona.
Umsekeli wesikhulumi salelicele, uMnumzana Abednico Bhebhe utshele uSithandekile Mhlanga we Studio 7 ukuthi umumbu-lo awabiwanga ngendlela ejwayekileyo, okutshengisa sobala ukuthi injongo ibingeyokuchitha umhlangano wabo.