Ingcwethi kwezombusazwe Zithi ukuncitshwa incwadi yokungena kweleBhilithane kukasibalukhulu webhanga elikhulu lelizwe kutshengisa sobala ukuthi iziphathamandla zebandla elibusayo azisafuneki emazweni aphetsheya ngoba sezibangele ukubhidlika kwezinto zonke elizweni. Iphephandaba leHerald namhlanje libika ukuthi ugatsha olubona ngezokungena lokuphuma kwabantu kweleBhilithane luthi uMnumzana Gideon Gono kafunakali kulelilizwe ngoba engomunye weziphathamandla ze ZANU PF eziphatheke kukungathembeki i corruption ngesingisi.
Ingcwethi kwezombusazwe uMnumzana Jethro Mpofu ongumbalisi wezifundo zokwethulwa kwemibiko e Zimbabwe Open University, utshele u Brenda Moyo we Studio 7 ukuthi isikhundla sika Gono kubhanga elikhulu lelizwe simphambanisela elakusasa lakhe nanku labantwabakhe sebexotshwa kwele Australia.