Amaphephandaba kahulumende ethule umbiko wokuthi uhulumende usebumbe isikhwama semali yokuvuselela amankampani angasenelisi ukuqhuba umsebenzi ngenxa yokwehluleka ukuthola inzunzo ngemva kohlelo lukahulumende lokwehlisa intengo yezinto ezitolo- u Operation Dzikisai mitengo. Kubikwa uhulumende esethole imali engange 30 billion yedollar leZimbabwe kumbe $214 000 USD yokuvuselela amankampani kahulumende i State Trading Corporation, le Zimbabwe Development Corporation ukuze aqhube imisebenzi yamankampani ayabe esehlulekile ukuzimela wodwa kumbe ayabe ethethwe nguhulumende, ngoba abanini bawo behluleke ukulandela izinqumo zakhe.
Kodwa ingcwethi ecubungula ezomnotho zithi uhulumende uvele wehlisa intengo yezinto efuna ukuhlokoza abaninibhizimusi ukuthi bangehluleka ukulandela imithetho yakhe abathathele amabhizimisi abo. UMnumzana Clemence Sibanda ingcwethi kwezenotho utshele u Brenda Moyo we Studio7 ukuthi konke lokhu okwenziwa nguhulumende akusoze kuwuvuse umnotho welizwe, kodwa kuwubhidliza ngamandla.