Kubikwa umthethwandaba wakobulawayo usuwandelwe ngamacala abosbhizimusi ababotshelwe ukungehlisi intengo yezinto ezitolo zabo. Amapholisa athi phakathi kwabosibhimusi abazinkulungwane ezimbili elizweni jikelele idolobha lakoBulawayo yilo elilabanengi abedlula amakhulu ayisikhombisa.
Izolo eHarare kubotshwe umqondisi wenkampani yako ok umnumzana willard zireva esetheswa icala lokungehlisi intengo kwezinye izitolo zako OK. Lamuhla koBulawayo bekuyisiphithiphithi abantu bexokozela bethenga impahla zefurniture ezifana lama television, amaradio, amasofa lokunye okwehliswe intengo okumangalisayo phansi komthetho omutsha othiwa yiNational Incomes and Prices Act.
Lumthetho uthi intengo yezinto imele yehliswe ifike lapho eyayikhona umhlaka 18 wenyanga edluleyo ungakafiki. Lokhu kutsho ukuthi ezinye impahla ezifana labomabonakude, amatv kadesethengiswa ngamadola ayizigidi ezingamatshumi amahlanu, $50 million abesethengwa ngesigidi esisodwa samadola lengxenye, $1,5 million.
Kodwa abanye osomabhizimusi abangakhwezanga intengo yezinye impahla zabo kungakafiki umhlaka 18 nhlangula labo bayabotshwa. Igqwetha elilwela amalungelo kazulu, umnumzana Kucaca Phulu utshele uChris Gande weStudio 7ukuthi osomabhizimusi abanengi abakawuzwisisi umthetho omutsha wentengo yezinto.
Kusenjalo, ababona ngokulondolozwa komthetho kahulumende wokwehliswa kwentengo yezinto behamba lamapholisa ahlomileyo lamuhla baqalise ukungenela abezitolo zemaphandleni lapho uzulu sekhathazeka kakhulu edolobheni lase Harare kulandela ukukhutshwa osokusenzwa imitshova emigwaqweni yaleli dolobho ngabanikazi balo. U Mark peter nthambe usethulela lolu daba eseharare. Abahlawulise osomabhizimusi abanengi ngoba bengakehlisi intengo. Ubabongile dlamini usipha loludaba.