Ingcwethi kwezombusazwe zithi umumo wezomnotho welizwe usumubi okokuthi ukuqhubeka kwawo ubhidlika kungaba lithuba elihle lokuthi uMongameli Robert Mugabe asuswe esikhundleni. Intengo yezinto iqhubeka iqonga hatshi mihla ngemihla kodwa inengi lithi ngehora ngehora. Inengi lithi vele alisakwazi ukuthi liphila njani.
Ingcwethi ecubungula ezombusazwe uMnumzana Jethro Mpofu utshele u Brenda Moyo we Studio7 ukuthi okudanisayo yikuthi laloba inengi likhangelele ukusuka kuka Mugabe esikhundleni, akula malungiselelo okuthi kuyini okuzakwenzakala elizweni, kumbe ngubani ozathatha intambo zombuso.