Isiphathamandla secele le MDC elikhokhelwa nguMnumzana Morgan Tsvangirai, uMnumzana Philip Katsande sibikwa sigula kakubi esibhedlela se Harare kulandela ukudutshulwa lokuthunjwa kwaso ngempelaviki ngabantu abazibiza ngokuthi ngamapholisa.
Abantu laba babikwa batshaya umkakhe lendodana yakhe, baze baveza ukuthi wayecatshe ephahleni lwendlu, base bemdubula, bambopha, andubana wasiwa esibhedlela. Unobhala jikelele wabatsha kulelibandla, uMnumzana Solomon Madzore, laye othunjwe ngempelaviki kungazakali ukuthi ungaphi, ubikwa etholakele esezandleni zamapholisa eHarare njalo etshaywe kakubi. Amagqwetha akhe asephethe loludaba.
USithandekile Mhlanga weStudio 7 uxoxe loMnumzana Felix Mafa, ingcwethi ecubungula ezombusazwe njalo eyisiphathamandla saleli bandla ukuze sizwe imbono yakhe ngaloludaba.