ICentral Statistics Office ibika ukuthi imuli elabantu abahlanu isifuna isigidi esisodwa ukuthi iphile kuhle ithenge konke ekufunayo ngenyanga.
Limbiko yethuse uzulu esithi kasazi lokuthi enzeni ngoba nanku intengo yezinto ezinengi siqonge yafika lapho angenelisi khona. Ingxoxo esihlezi isemilonyeno yabantu abanengi kulezinsuku ngaphandle kwezombusazwe, ngeyokuqonga kwentengo yezinto ezitolo lokungatholakali kalula kwemali.
Ngaphandle kokuqonga kwentengo mahlayana nsuku zonke, ezinengi zalezizinto lokhe zisilela ezitolo, ikakhulu itshukela kanye lempuphu. Imbiko ekhitshwe yiCentral Statistics Office izolo iveza ukuthi imuli yabantu abahlanu sifuna imali phose isigidi esisodwa isuka kunxenye yalimali sitshiye abantu bekhala kakubi. Bathi kulezinsuku akuselandaba lokuthi umuntu uhola imali enganani, impilo sinzima okumangalisayo.
UBabongile Dlamini usipha loludaba.