Imizamo yokumanyanisa amacele eMDC womabili ikhanya isehlula, kutsho omunye owakhethwa ukuba kuqula lelinye lamacele aleli bandla.
UMnumzana Sam Siphepha Nkomo, owecele elikhokhelwa nguMnumzana Morgan Tsvangirai uthi usehlulekile ukuletha iziphathamandla zamacele womabili etafuleni ukuthi kukhulunyiswane.
IMDC ibi libandla elilosekelo ingakadabuki phakathi ngomnyaka ka2005 ngenxa yokungavumelani ngokungena kukhetho lokudinga amalunga edale leSenate. Sekusobala ukuthi nxa ingamanyananga kunzima ukunqoba ibandla elibusayo kukhetho.
UMnumzana Nkomo utshele uChris Gande weStudio 7 okunengi ngemizamo yamacele womabili yokumanyana.