Inani labasefele engozini yesitimela lebhasi enzakale izolo eDzivarasekwa seliqonge lafika kwabangamatshumi amathathu lasithupha ngemva kokubhubha komunye wabakade belimele kakubi.
Lamuhla, uMnumzana Morgan Tsvangirai, okhokhela elinye icele le MDC uye khalela imuli ezifelweyo, njalo wasola uhulumende ngokungalungisi imigwaqo lenjanji, athi yikho okubangele le ingozi.
Loba nje uhulumende ebethembise ukuncedisa abantu ngokudla langezinto zokusebenzisa emgcwabeni lesililweni, abantu babikwa lokhu bengakazuzi lutho.
Kunjalo nje, umgcinisihlalo we nhlanganiso ye Dzivarasekwa District Development, uMnumzana Trinos Mgutshini utshele u Sithandekile Mhlanga we Studio7 ukuthi inhlanganiso yakhe isisungule isikhwama sokuncedisa abafelweyo kule ingozi, ngoba inengi labafileyo bekuyibo abasilela imuli zabo.