Amapholisa ahlasele izikholo ezimbalwa eHarare atshaya ababalisi lokuphosela intuthu ehitshayo kwaba yinxabanxoza.
Othitshala abangamatshumi amathathu lambili balimele abantwana besikolo abathathu basala beqalekile ngemva kokuhlaselwa ngamapolisa e Harare lamhlanje.
Amapholisa athutshe ekuseni ehlome efile ngemibhobho elenhlamvu ezibulalayo leziphumisa inthuthu ehitshayo ekhalisa inyembezi eye tiye gas atshaya ababalisi phambi kwezifundi lokudubula leyontuthu ezikolweni ezigoqela i Chirodzo Primary School, Shingai Primary School, Nharira Primary School le Ardbernie Primary School kulilanga lokunanza ukuzalwa kukaMongameli Robert Mugabe.
I Studio 7 ifice kuphithizela esikholo se Nharira Primary emzini weMbare eHarare abantwana bekhala njalo bephuma kuleso sikholo begijima ngesiqhubu bephindela emakhaya isikhathi sokutshayisa singakafiki bebalekela ama tiye gas.
U Mark Peter Nthambe obe semzini weMbare lapho kuhlaselwa izikholo zalu muzi usethulela lolu daba.