Inhlanganiso yomanyano wamazwe e Europe owe European Union isiqelise ngomnyaka izijeziso zenotho eyazethulela ele Zimbabwe isithi ngoba i Zimbabwe ilokhe iqhubeka isephula ilungelo loluntu.
Izijeziso zenotho lezi zigoqela ukuncitsha u Mongameli Robert Mugabe imvumo yokwethekelela lamazwe labakuhulumende wakhe abedlula ikhulu, ukungathengiselwa izikhali zempi, lokuthathwa kwamabhizimusi eziphathamandla ze ZANU PF asemazweni la, lemali ezingabe ziyigcinisile kuwo.
Kodwa, u Mongameli Robert Mugabe uthi izijeziso zenotho lezi yizo esezibangele ukubhidlika kwenotho yelizwe.
U Mnumzana Zenzo Nkomo ingcwethi kwezombusazwe elilunga le Communist party e South Africa, utshele u Brenda Moyo we Studio7 ukuthi izijeziso zenotho lezi zitsho ukuthi amazwe e EU asekelana lozulu we Zimbabwe ekuthini u Mongameli Mugabe lohulumende wakhe kumele babanjwe ngamandla ukulungisisa umumo omubi oselizweni.