Umhlangano wabaphathintambo bakahulumende abakumanyano wamazwe akumhlubulo ose ningizimu yezwekazi leAfrica oweSADC Ordinaty Council of Ministers uqhutshiwe ngoLwesithathu eHarare lapho okucutshungulwe amaqhinga okuthuthukisa ezomnotho, ezokuthengiselana, inhlelo zokuqeda indlala, kanye lezomvikela.
Umhlangano lo, obuholwa ngumphathintambo kahulumende weZimbabwe obona ngobudlelwano lamanye amazwe uMnu. Amon Murwira, njalo umhlonitshwa kungumabhalane weSADC uMnu. Elias Magosi, ubuhlola izinqumo ezathathwa embuthanweni edluleyo yalumanyano lokuthi zizafezwa njani.
Ngolwesine, umgcinisihlalo weSADC umongameli Emmerson Mnangagwa ukhangelelwe ukuhola umhlangano wabakhokheli bamazwe akulumanyano ozaqhutshwa ebulenjini, lapho okuzacutshungulwa khona ukungahlaliseki okuselizweni le Democratic Republic of Congo.
Ukuhlaziya loludaba, sixoxa loMnu. Thembelani Dube, ingcwethi ecubungula ezombusazwe, engumsekeli kamgcinisihlalo we board ye Rural Communities Empowerment Trust.
Your browser doesn’t support HTML5
Ingxoxo loMnu. Thembelani Dube