Inengi lamalunga ebandla leZANU PF kanye labantu makhaza sebechothoze labo abathi umbuso wamaNgisi ilizwe lingakatholi uzibuse wawungcono kulalowo okamuyi uRobert Mugabe lowamanje okamongameli Emmerson Mnangagwa besithi lokhu yikweyisa abantu abansundu lokuphakamisa abelungu, ababelobandlululo.
Ingxoxo-mpikiswano le iqhubeke kakhulu enkundleni zebulenjini ezokuxhumana kunsukwana ezedluleyo lapho obekujikelwana aqatha, njalo amaphephandaba kahulumende agoqela eleThe Chronicle aloba umbiko esola labo ababuka umbuso waMaNgisi owawuholwa ngowayengumongameli umuyi uIan Smith eleZimbabwe lisaziwa ngokuthi ngeleRhodesia.
Kambe kuyini okungenziwa ukuze abantu besuthiseke kwezomnotho, amalungelo oluntu, lezombusazwe, njalo kungabi lokuqathanisa lokhu?
Sihlaziya loludaba siloMnu. Ambrose Sibindi, isiphathamandla senhlanganiso elwela amalungelo ezisebenzi eye Zimbabwe Congress of Trade Unions, endawonye loMnu. John Zolani Dlamini, umgcinisihlalo webandla leZAPU, owalwa kumpi yenkululeko ekuviyo leZIPRA, onguye umqalisiziba.
Your browser doesn’t support HTML5
Ingxoxo loMnu. John Zolani Dlamini Endawonye loMnu. Anglistone Sibindi