Abanini bamabhizimusi asathuthukayo bathi lanxa besamukela inyathelo likahulumende elokuthi babhadalele impahla zabo umthelo wama taxes, kufanele kucace ukuthi uhlelo lolu luzaqhutshwa njani ukwenzela ukwenqabela inkohlakalo.
Umphathintambo kahulumende obona ngezemali uMnu. Mthuli Ncube uthi kufanele kusetshenziswe imitshina ye Virtual Fiscalisation System, ukukhuthaza abamabhizimusi amancinyane lasathuthukayo awe Micro, Small, and Medium Enterprises (MSMEs), ukuthi abhadale umthelo we Value Added Tax ukwenzela ukuthi umnotho uthuthuke. Uthi uhlelo lolu lukhangelelwe ukusungulwa ekuqaleni komnyaka ka 2025.
Lokhu kwenzakala uhulumende ephakathi kokudingisisa ukuthi impahla ezikumabhizimusi kanye lezisezandleni zabantu makhaza zabhadalelwa na umthelo emngceleni lamazwe lapho ezathengwa khona.
Ukuhlaziya loludabada, sixoxe loMnu. Prosper Masibi, umqoqi wenhlelo kunhlanganiso ye Vendors Initiative for Social and Economic Transformation-VISET koBulawayo, uMnu. Prosper Masibi.
Your browser doesn’t support HTML5
Ingxoxo loMnu. Prosper Masibi