Umongameli Joe Biden ngoMvulo uxolele izibotshwa ezingamatshumi amathathu lasikhombisa phakathi kwezingamatshumi amane ezagwetshelwa ukufa.
Izibotshwa lezi sezizahlala entilongweni okwempilo yazo yonke.
Lokhu kuza sekusele amaviki ambalwa ukuthi osanda kukhethwa ukuba ngumongameli uMnu Donald Trump, okhuthaza ukujeziswa ngokubulawa, aphathe intambo zombuso.
Isinqumo lesi sisindise abantu abatholakala belamacala okubulala, kugoqela ukubulala amapholisa labebutho, lalabo abatshontsha emabhanga kanye lababethengisa izidakamizwa labanye abalamacala okubulala abalindayo lezinye iziphathamandla.
Abathathu abangaxolelwanga nguDylann Roof, owabulala abansundu abayisitshiyagalolunye abebandla leMother Emanuel AME church eCharleston, eSouth carolina; owabhomba kumincintiswano ye2013 Boston marathon, uDzhokhar Tsarnaev; kanye loRobert Bowers, owadubula amalunga ebandla leTree of Life Synagogue alitshumi loyedwa ePittsburgh ngomnyaka ka2018.
Your browser doesn’t support HTML5
Ingxoxo loMnu Tim Muringai.