Uluhlu lokusetshenziswa kwemali kahulumende olomnyaka ka2025 olwethulwa ngumphathintambo wezemali uMnu. Mthuli Ncube mhlaka 28 Lwezi selupasiswe lidale lepalamende.
Sekube lokukhonona okukhulu enkundleni zokuxhumana ngoluhlu lolu kulandela imibiko ethi amalunga edale lephalamende engeze imali yendleko zawo ngezigidi phose ezingamatshumi amabili zamadollar eMelika - US$17 million.
Amalunga edale lephalamende aweZanu-PF leCCC, avumelane ukuthi kuthengwe ezinye imota zabagcinisihlalo bamakhomithi ePhalamende ezibiza izigidi ezilitshumi zamadollar - US$10 million, laloba bathengelwa ezinye imota ngoMbimbitho lonyaka.
Kubikwa ezinye zendlelo lezi zigoqela iUS$2 million eyama-allowance, iUS$2 million eyendleko zamawofisi ephalamende, le US$2.9 million eyamafutha emota.
Lokhu kuza ngales’isikhathi abantu abafika phose izigidi eziyisitshiyangalombili - 7.7 million eZimbabwe bedinga usizo lokudla kulandela isomiso esidalwe yisikhudumezi somkhathi ese-el nino.
Kodwa omela i-Emakhandeni-Luveve edale lephalamende uMnu Discent Bajila uthi indleko ezinengi ezikuluhlu lolu azikho zintsha zivele zifakwa kubudget minyaka yonke.
Your browser doesn’t support HTML5
Ingxoxo loMnu Discent Bajila.