Ingcitshi kwezokulungela izingozi kanye lozulu we Zimbabwe seziphe imbono ehlukeneyo ngemva kwemibiko eyethulwe nguhulumende izolo eyokuba kuzakuba lezulu lesikhukhula phakathi kuka Zibandlela kusiya ku Mbimbitho kumnyaka ozayo, njalo uzilungiselele ukuhlenga abantu. Ngomnyaka ka 2019 amazwe abalisisa ele Zimbabwe, ele Mozambique lele Malawi aba lengozi efanayo, eyabulala abantu abafika inkulungwane ezinhlanu-5000.
Lokhu kuvezwe ngumphathintambo wezokwethulwa kwemibiko uMnu. Jenfan Muswere ngesikhathi kuphela umhlangano wedale labaphathintambo owe cabinet izolo.
UMnu. Muswere uthe uhulumende usethole imbiko ethi kuzakuba lezulu elinengi phakathi kuka Zibandlela kusiya ku Mbimbitho, esithi lizadiliza okunengi ikakhulu endaweni ezandisa ukuba lesiphepho.
‘’Ngenxa yezulu elinengi elizakuba khona elizweni uhulumende wazisa ukuba kuzakuba lesiphepha esilakho ukuphazamisa izindlu lempilakahle kazulu. Lokhu kuzakwenzakala ngo Zibandlela kusiya uMbimbithi kumnyaka ka 2025’’
UMuswere uqhubeke esithi uhulumende ulungele ukuba ancedise labo abalakho ukuhlaselwa yingozi yomona ozadalwa lizulu leli.
Uthe uhulumende uselungiselele ukuba kungaba lombane omkhulu, imifula egcweleyo loba yiwuphi umona uzathwala abantu ebase endaweni ezivikelekeyo.
Ingcitshi endabeni zokulondolozwa kwemvelo lokuvikelwa kwengozi zithi uhulumende uyaphosisa nje ngoba akukho okunengi osokwenzakale endaweni ezifana le Chimanimani, Chipinge lase Buhera lapho okwenzakala khona izehlakalo ezifananayo.
Eyinye yalezi ingcitshi esebenza ekolitshi ye University of Zimbabwe uMnu. Richard Tshuma uthi kakholwa ukuba uhulumende ulungele udubo lolu.
‘’ Uhulumende wandisa ukukhuluma kungela okunengi akwenzayo. Ungakhangela esikhathini esinengi siyafika ekuthini ingozi lezi zithole abantu belibele ekhuluma engenzi lutho’’
Osekele uMnu. Tshuma owasebenza kugatsha lwe Civil Protection Unit uMnu Mlungisi Manala uthi kumele uhulumende aveze imali ayibekele uhlelo lolu.
‘’Nxa kungela mali ebambekayo ebekwe eceleni ukuba kulungiswe lokhu ayisindawo ngoba okuqakathekileyo yikuba uhulumende ufuna ukubeka imali engakanani engozini lezi’’
Isakhamuzi se Chipinge uMnu Owen Dliwayo ongomunye wabantu abasinda kungozi ye siphepho eyenzakala ngo 2019 uthi akukho okunengi osokuguqukile selokhe kwenzakala lingozi.
‘’ Selokhe sahlaselwa ngama floods ngomnyaka ka 2019 akula okwenzakalayo ukuze kulungiswe lokhu abanye balahlekelwa zimpahla abanye yizihlobo kodwa akula okwenzakalayo’’
Abanengi bathi kumele uhulumende atholele abantu abahlala endaweni ezivame ukuba lesiphepho ezinye indawo zokuhlala.
Kusenjalo, ekhuluma emhlanganweni munye uhulumende wazise ukuba usemise ukwenjiwa kwegolide okwenzakala emifuleni lasezihotsheni elizweni.
Wazise ukuba wonke omuntu okugoqela labo abalamaphepha okwemba okusemthethweni abasavunyelwa ukwenzenjalo enzikini yemifula njengendlela yokuvikela imvelo.
Your browser doesn’t support HTML5
UMlondolozi Ndlovu Uyalandisa