Abesifaza bakoBulawayo abedlula itshumi lantathu abakumabhizimusi ehlukeneyo bathole izicoco ngoLwesithathu ezokuphatha amabhizimusi besekelwa nguhulumende weMelika kuhlelo lwe Academy for Women Enterprenuers lapho okukhuthazwe abanye osomabhizimisi ukuba bathathe inyathelo elifanayo.
Bekungabizwa ozwayo lamhlanje koBulawayo lapho osomabhizimusi abaphiwe izithupha zokuphutsha izifundo zokuphatha amabhizimusi kanye lemali yokuwathuthukisa.
UNkosikazi Nonhlahla Moyo oligqwetha obekuzifundo zeAWE uchaze ukuba ulwazi lokuphatha inkampani yakhe yamagqwetha isikhuphukile.
'Imfundiso yeAWE ingivule ingqondo ekuphatheni ibhizimusi lami njalo ngikhuthaza abanye abesifazana ukuba baze bazofunda njengami."
UNkosazana Sithabile Mlilo okubhizimusi yokuthunga impahla ngesikhumba ubonge imfundiso yeAWE, wathi inzuzo yakhe isikhuphukile.
"Indlela esengiphatha ngayo ibhizimusi lami isikhuphukile ngikhhthaza abanye omama ukuba labo baze bazethola usizo olumangalisayo sengifunde lokuhlela ibhizimusi lami."
UNkosikazi Sibhekinkosi Sigola, olenkampani yokuthunga uthole isipho senkulungwane yamadola eMelika ngokwethula umbono wokuhlela ibhizimusi lakhe.
"Imali engiyithole lamuhla ngizayitshala kubhizimusi lami ebelivele selithuthuka kulandela imfundiso yeAWE njalo wonke umama okubhizimusi kumele athathe lezizifindo ezilakho ukukhulisa ibhizimusi"
UNkosikazi Ntombizami Nyathi umphathi webhanga leNMB (bhala ngokugcweleyo) uthi baletafula elikhangela indingeko zabesifazana okugoqela ukuthi bethole imali zokutshala kumabhizimusi ngentengo ephansi.
"Siyapha abesifazana imali hokutshala kumabhizimusi ngentengo ephansi buye sesithole i$5 million esizanceda ngayo omama bakhulise amabhizimusi kunhlelo ezehlukeneyo"
UNkosikazi Thubelihle Ndlovu, umqondisi we Purse on Point esebenza lohulumende weMelika ekufundiseni abesifazana uthi sebeqeqetshe omama abedlula amakhulu amane.
"Siqale uhlelo lwethu lolu lokufundisa omama ngokubahlomisa kumabhizimusi abo njalo lonyaka sifundise abangu 105 kuhlanganisa iBulawayo, Harare leMutare. Siyabona ukuthi kulempumela enhle amabhizimusi abo ayakhula njalo asesemthethweni kuzozonke ingatsha zikahulumende."
Obemele uhulumende weMelika, uNkosikazi Rebbeca Becker uphe abaqeqetshi kuAWE izithupha lenkulungwane ezine zamadola ezokuncedisa amabhizimusi kwabesifazana abane abalohlelo olucacayo olokuwakhulisa. UNkosikazi Rebecca Archer- Knapper uthe eleZimbabwe yilizwe elihle elilamathuba okuba lamabhizimusi ahlukeneyo kudingeka nje ukuhleleka okuyikho abakwenzayo ukuhlomisa osomabhizimusi elizweni.
Your browser doesn’t support HTML5
UAnnahstacia Ndlovu Uyalandisa
Kusenjalo, ummeli wesigodlo seMelika eZimbabwe uNkosikazi Pamela Tremont uthi elemelika liyathokoza ngohlelo lwe President’s Emergency Plan for AIDS Relief (PEPFAR) ekwehliseni ukuthelelwana kwegcikwane le HIV ngesilinganiso sokungamatshumi ayisitshiyagalombili ekhulwini; 80 percent. Ukhulume amazwi la esibhedlela se Marondera Provincial Hospital ngoLwesibili lapho uhulumende weMelika aphathisa abazinkulungwane ezintathu lamakhulu ayisithupha 3,600 kuleyondaba abalegcikwane leHIV. I-PEPFAR luhlelo lukamongameli weMelika olusebenza logatsha lwe Centers for Desease Control and Prevention yalelolizwe.