Abalimi sebekhuthazwe ukuthi badinge ulwazi olujulileyo ngendlela zokulwisana lokuguquka komkhathi bengakahlanyeli.
Linkuthazi iza ngesikhathi kulokwesabela ukuthi indlala ehlasele izigidi phose eziyisitshiyangalombili, 7.7 million lonyaka ilakho ukuchaphakela kumnyaka ozayo nanku izulu alikani ngokuqinileyo kanti labantu abanengi abakalimi.
Uhlangothi olubona ngezomkhathi olweMeteorological Services Department of Zimbabwe luke lwethula umbiko phambilini lusithi ilizwe lizathola izulu elinengi kusukela ngoLwezi kusiya kuNhlolanja.
Kodwa alikani endaweni ezinengi lanxa inyanga kaLwezi seyadlula.
Ohlaziya ngezokuguquka komkhathi njalo engumqondisi wenkampani yeGreen Afrique Technologies uMnu Angliston Sibanda utshele iStudio7 ukuthi abalimi kumele balandele inkuthazo yabalimisi labezomkhathi ukuze bengalahlekelwa zimali.
Your browser doesn’t support HTML5
Ingxoxo loMnu Angliston Sibanda