Abalobi Bakhuthazwa Ukuqhubeka Beloba Izingwalo Ngolimi Lwesindebele Emabhukwini Ukwenzela Abangelabo Ubucwephetshe Beinternet
Umlobi wengwalo zeSiNdebele ogxile kweleSouth Africa uMercy Vundla useyethule ugwalo olutsha olulesihloko esithi Inzondo athi luyingxenye womkhankaso aphakathi kwawo wokukhuthaza abalobi bolimi lolu ukuthi baqhubeke beloba izingwalo ukuze zingacini seziqedwe du yikumemetheka kobulembu be-internet. UThuso Khumalo usipha loludaba eseJohannesburg kweleSouth Africa.
Umlobi lo odabuka eTsholotsho esigabeni seChefunye uthi uthando lokuloba uluthethe ebazalini bakhe asebekhululile osekuyikho osekumupha intshukuntshu yokukhankasela ukulotshwa kwezingwalo ezidindiweyo ngoba bekhona abangelabo ubulembu be-internet.
“Sisalabantu abasemakhaya. Sisalabo gogo abafundayo kudala. Like umama wami lobaba wami bayakuthanda ukubala. Badala kakhulu bakhulile but ngiyabe ngifuna ukuthi bona labanye bebeyipart kumbe bayikholise lento esiyiyo. Itechnology yebo siyayivuma ukuthi 2 years to come sekungenzeka ukuthi amabhuku ama hard copies ebe esemalutshwana. But okwamanje isidingo sisesekhona because there are a lot of
Kugwalo lwakhe oluthi Inzondo, uMvundla ulandisa ingxabano eyabangela ingxabangxoza komunye umdeni okwacina sekugwegwe ubuthakathi. Uthi kuqakathekile ukuthi abalobi belandise izindaba enzenzeka kakhulu endaweni ezihlala labo abangelabo ubucwephetshe be-internet ukuze bazibale njengoba ziyabe zikhuluma ngabo.
Umkhankaso wakhe lo obhekiswe kubalobi kakhulu wemukelwa ngabanengi abaloba ndawonye kanye labakunhlanganiso Yabalobi Bakithi layo egxile eSouth Africa. Umlobi uPriviledge Ndlovu ongunobhala kuhlanganiso le uyawuncoma umkhankaso kaMvundla logwalo lwakhe lolu oluthi Inzondo esithi njengenhlanganiso sebelengwalo ezedlula amatshumi amabili injongo kuyikukhuthaza ukulotshwa kwezingwalo ezidindwayo.
“Uthando lwencwadi kimi lusegazini. Siyinhlanganiso yikho esikuququzelayo ukuthi abantu benga cini ukubala kubomakhalekhukhwini kodwa sibelakho esikutshiyela izizukulwane zethu.”
Omunye njalo odabuka eZimbabwe uMnumzana Sipho Ncube uthi ukubala ugwalo kumakhalekhukhwini loba ekhomputheni akufani lokubala ugwalo uvula, uvala amakhasi.
“Mina vele ngingumuntu othanda izincwadi. Lami ngiyaloba ikhona esendleleni ethi Amawele. Loba iseza uyayizwa ukuthi iza ngamandla. Ngiyaloba. Ngiyazifunda futhi izincwadi.”
Kodwa-ke isizalwane seZimbabwe uNomalanga Moyo ukhuthaza abalobi laba ukuthi ezinye zengwalo zabo lezi bazifake enhlelweni zokuxhumana ku-internet okuyilapho osekugcwele khona abantu kulez’insuku.
“Besifisa kakhulu ukuthi ma bengasicabangela nathi bezifake kusocial media kuinternet. Kuzabangcono kithi kuzabalula futhi ukuthi sizifunde ngoba siyabe silamafoni wethu ukuthi sibe ne access kuinternet.”
Ngokwezibalo ezethulwe luhlangothi lwezibalo eminyakeni amibili edluleyo, iZimbabwe National Statistics Agency, eleZimbabwe lilabantu abedlula isilinganiso sokungamatshumi ayisitshiyagalolunye ekhulwini - 93,7% labantu abenelisa ukubala lokubhala. Abalobi-ke bathi leli nani ladalwa yikubala izingwalo ezazidindiwe hatshi ku-internet. Lezi zibalo zikhombisa ukuthi emaphandleni lakho liseselihle inani labakwazi ukubala lokubhala. Ledlula kancane okuyisilinganiso sokungamatshumi ayisitshiyagalolunye ekhulwini - 91.3%.
Your browser doesn’t support HTML5
UThuso Khumalo Uyalandisa