Izihlalo zonke ezingamakhulu amane lamatshumi amathathu lanhlanu, 435, kudale le House of Representatives zisebenza okwamahlandla eminyaka emibili, kuthi ezingamatshumi amathathu lane 34, phakathi kwezilikhulu ezeSenate ziyancintiswa kuhlandla elitsha eleminyaka eyisithupha.
Ukhetho lokudinga amalunga edale leCongress, luqhutshwe ndawonye loluka mongameli, oluphakathi kukaNkosikazi Kamala Harris owebandla le Democratic Party loMnu.Donald Trump oweRepublican Party.
Ibandla le Democratic Party okwamanje lizibambe esidukwini eSenate ngoba amalunga alo esedlula awe Republican Party ngesilinganiso esincinyane kuthi eleRepublican Party lona likhokhela ele The House, kodwa kungaguquka okunengi kumbe kuhlale kunjalo ngemva kwalolukhetho, kutsho ingcwethi ezicubungula ezombusazwe.
Lanxa kungaba lenguquko isilinganiso sokukhokhela amadale womabili lawa sizahlala sisincinyane.