Selidumela emansumpeni kukhetho lokudinga umongameli weMelika oluqhutshwa ngoLwesibili njalo abancintisayo; uNkosikazi KamalaHarris webandla leDemocratic Party loMnu. Donald Trump weRepublican Party bagqiba imikhankaso yabo ezabelweni ezimqoka kulolukhetho ezibalisa i Allentown, Pittsburgh, lePhiladelphia ePennsylvania, kanye le Noth Carolina, Pennsylavania, le Michigan, ngokulandelana kwabo.
NgeSonto, uNkosikazi Harris utshele abakade besemhlanganweni we rally eMichigan inengi kungabohlobo lwesi Arab, ukuthi uzakwenza konke okusemandleni akhe ukuqeda impi eseGaza engangena embusweni. Asizweni amanye amazwi awakhulumileyo.
Your browser doesn’t support HTML5
Lalela Amazwi kaNkosikazi Kamala Harris
Ngakwelinye icele, uMnu. Trump ubese Pennsylavania, North Carolina, leGeorgia izolo lapho asole indlela ukhetho lweMelika oluqhutshwa ngayo njalo wachothoza omunye wakhe uNkosikazi Harris esithi nguye owabhidliza inhlelo ezinengi elizweni kodwa khathesi usesithi uzalungisa ngoba esefuna ukuvotelwa.
Your browser doesn’t support HTML5
Lalela Amazwi kaMnu.Donald Trump
Sokuvote abantu abedlula izigidi ezingamatshumi ayisikhombi lasithupa 76 million ngohlelo lwe early voting oluqhushwa endaweni zokuvotela kumbe ngencwadi phambilini kokhetho lwakusasa.
Kwakhiwe uthango locingo lokulondoloza ukuthula eWashington DC eMelika phambilini kokhetho lolu. Ucingo lolu lwakhiwe ngoba abezomvikela baxwayise ukuthi amazwe abalisa eleRussia lele Iran angakhuthaza abantu ukuthi betshengisele ngokulodlakela ngemva kokuqhutshwa kokhetho lolu
Ukuze sihlaziye lolukhetho, sixoxa loMnu. Raphael Mthombeni, isizalwane seZimbabwe esihlala eMelika.
Your browser doesn’t support HTML5
Ingxoxo loMnu. Raphael Mthombeni