Oncintisa kukhetho lokudinga umongameli weMelika uNkosikazi Kamala Harris owebandla le Democratic Party uchothoze omunye wakhe uMnu. Donald Trump ngoLwesibili, ngezehlakalo ezithile lokuziphatha kwakhe, wathi nguye ongabusa ngcono nxa kuqathaniswa loMnu. Trump.
Ukhulume amazwi la emhlanganweni lapho obekuthe gwaqa inkulungwane lenkulungwane zabantu eWashington DC izolo kumbiko abamkhankaselayo abathi ngowokugqiba inkulumo yakhe yomkhankaso, owe closing arguments
Ngakwelinye icele, uMnu. Trump ubese Pennsylvania ngelanga elifanayo lemzini wakhe eMar-a-Lago eFlorida lapho laye achothoze uNkosikazi Harris ngamabala ethukayo, akhomba ukuthi uyehluleka umsebenzi.
Ababili laba lama running mates abo,bayaqhubeka ngemkhankaso yabo ngoLwesithathu.
Sokuvote abantu abedlula izigidi ezingamatshumi amahlanu lantathu 53 million kuhlelo lwe early voting phambilini koluzaqhutshwa ngoLwesibili oluzayo.
Ukuhlaziya loludaba, sixoxa loMnu. Thembelani Dube, ingcwethi ecubungula ezombusazwe, engumsekeli kamgcinisihlalo we board ye Rural Communities Empowerment Trust.
Your browser doesn’t support HTML5
Ingxoxo loMnu. Thembelani Dube