Izakhamizi ezinengi elizweni zithi zilokhe zithwele amagabha avuzayo ngenxa yomnotho welizwe ongamanga kuhle, kulandela ukuwiswa kwesisindo semali yeZIG nguhulumende ngenyanga edluleyo.
Imali le iludaba egudwini abacubungula ezomthetho besithi ayisasebenzi ngokusemthethweni ngoba kungalungiswanga iziqondiso ezithile, kodwa ibhanga leRBZ lisithi ilungele ukusebenza.
Lanxa inengi lezakhamizi zakoBulawayo lisithi alikaze liyibone limali kumbe liyisebenzise, uMnu. Albert Mazula, isiphathamandla senhlanganiso yeHarare Residents Trust uthi ukuba khona kwayo esigodlweni akuphathisi ngenxa yesilinganiso sama exchange rate ehlukeneyo.
Your browser doesn’t support HTML5
Ingxoxo loMnu. Albert Mazula
Emhlanganweni we conference yeZANU PF esanda ukuqhutshwa koBulawayo, ibandla leli linqume ukuthi kuqiniswe amandla e-ZIG kube yiyo esebenzayo elizweni, kukhitshwe idola leMelika.