Uhulumende uthi uzahlawula abalimi bamapulazi angamakhulu amane lamatshumi amane lane 444, amadola ayizigidi ezingamatshumi amathathu lanhlanu 35 million dollars esebenzisa isikhwama semali yelizwe ese budget eka 2024.
Lokhu kuvezwe ngumphathintambo obona ngezemali uMnu. Mthuli Ncube eHarare emhlanganweni labameli bezigodlo zamanye amazwe eHarare ezingamalunga acubungula indlela zokuqeda isikwelede eleZimbabwe elilaso, ese 12, 3 billion dollars.
UMnu. Ncube uphinde wathi imali yonke edingakalayo ukuhlawula abalimi yedlula kancinyane izigidi ezingamakhulu amathathu lamatshumi amahlanu lanye; US $351.6M, kunguquko eyenziwa emapulazini la hatshi umhlaba ngokwawo.
Uthi uhulumende uzabhadala izigidi ezingamatshumi amabili zamadola 20 million dollars kumapulazi angamatshumi ayisitshiyagalolunye lane akusivumelwano se Investment Protection Agreement, BIPPAS, okuyingxenye yezigidi ezifika phose amakhulu amabili ezavunyelwanayo $196, 6 million dollars eyomhlabathi lenguqo emapulazini la. Abalimi ababikwa bezathola imali le ngabavela eDenmark, Switzerland, Germany, Netherlands, le Yugoslavia.
Inengi labalimi laba ngabamhlophe abathathelwa amapulazi kuhlelo lukahulumende olokwaba kutsha umhlabathi.
Ukuhlaziya loludaba, sixoxa loMnu. Ambrose Sibindi ingcwethi ecubungula ezombusazwe, njalo eyisiphathamandla senhalnganiso ye ZCTU.
Your browser doesn’t support HTML5
Ingxoxo loMnu. Ambrose Sibindi