Uhulumende uthi wenza konke okusemandleni akhe ukuthi enqabele ukumemetheka komkhuhlane wamaqhubu owe MPOX kulandela ukufunyanwa kwabantu ababili elizweni behlaselwe yiwo; omunye eseMberengwa omunye eHarare.
Ugatsha lwezempilakahle lwazise ngeSonto ukuthi oweMberengwa ngumfana oleminyaka elitshumi lanye obikwa wayethekelele eSouth Africa, kuthi oweHarare ngowesilisa oleminyaka engamatshumi amabili lane owayevakatshele eTanzania ngenyanga edluleyo.
Abezempilakahle bathi ezinye zezibonakaliso zomkhuhlane lo zigoqela uqhuqho, ukuqubuka, ukukhathala masinya, ukutshaywa likhanda lomphimbo obuhlungu. I-MPOX ibikwa ivikelwa ngokungabelani impahla lalowo ohlaselwe yiyo, ukugeza izandla, lokungayi ocansini lomuntu olomkhuhlane lo.
Ukuhlaziya loludaba, sixoxe loNkosikazi Patricia Tshabalala isiphathamandla senhlanganiso yeBulawayo Progressive Residents Association yena othi kufanele zande inhlelo zokulimukisa abantu ngalumkhuhlane.
Your browser doesn’t support HTML5
Ingxoxo loNkosikakazi Patricia Tshabalala