Olandela ezamasiko uMnu. Bongani Mazwi Mkhwananzi uthi yena labanye bakhe baphakathi kokulolonga umtshina webulenjini owe operating system okhangelelwe ukuba lama applications amanengi agoqela awe artificial intelligence, awemfundo, awokudinga inkomo, awe sichaza-mazwi; wonke elotshwe ngolimi lwesiNdebele lezinye indimi ezitholakala eMatabeleland.
Uthi bazanxusa abantu ukuthi balethe ama applications abo ehlukeneyo alotshwe ngesiTonga, isiKalanga, isiXhosa, isiVenda, isiSuthu, lezinye indimi zakoMthwakazi ukwenzela ukuthi abe yingxenye yaloluhlelo.
Kodwa uthi uhlelo lolu, oluzasungulwa ngesiNdebele alukafiki ezingeni eliphezulu ngoba kudingakala imali yokufeza injongo yokuthi kungasetshenziswa ulimi lwesiNgisi.
UMnu. Mkhwananzi uchasisa kabanzi ngokuthi uhlelo lolu luzasebenza njani.
Your browser doesn’t support HTML5
Ingxoxo loMnu. Bongani Mkhwananzi
UMnu. Mkhwananzi uthi inyathelo leli ngelinye lokulondoloza umlando wesizwe samaNdebele njalo sokuqoqwa umkhosi wokuchasisa ngeNkosi yalesosizwe, owe King Mzilikazi Memorial Lecture.