Omela iGlenview North edale lephalamende uMnu. Happymore Chidziva, obotshwe izolo, ubikwa emiswe phambi komthethwandaba ngoLwesithathu kucala aletheswayo elokudlwengula untombazana oleminyaka elitshumi lasithupha, njalo uzaphindela mhlaka 8 ngenyanga ezayo.
Ukhangelelwe ukukhalaza edale le high court ukukhululwa ngemali yesibambiso eye bail.
Kusenjalo inhlanganiso elwela amalungelo ababalisi eye ARTUZ ithi iyakhathazeka ngokuthi ilunga layo uMnu. Ronald Hondongwa, ogogekileyo, owabotshwa eAvondale lamalunga e-CCC ulokhe engakhululwa ngemali yesibambiso eye bail, futhi ehlukuluzwa ngenxa yesimo sakhe.
Umantshi ubikwa eseyazisiwe ngaloludaba.
UNkosikazi kaMnu. Hondongwa wabotshwa engomunye wababetshengisela besithi akhululwe.
Ukuze sizwe okunengi ngaloludaba, sixoxe loMnu. Thembakuye Moyo, isiphathamandla seARTUZ yena othi abafundi bakaMnu. Hondongwa abasemukeli imfundo ngoba enguye yedwa ofundisa i-ICT, kukanti lejele uthwele amagabha avuzayo ngoba engenelisi ukuzinakekela.
Your browser doesn’t support HTML5
Ingxoxo loMnu. Thembakuye Moyo