Ummeli wesigodlo seMelika eZimbabwe uNkosikazi Pamela Tremont uhlangene lomayor wedolbho lakoBulawayo uMnu. David Coltart bacubungula ukuthi amazwe omhlaba engaphathisa njani lelodolobho ngokulwisana lobunzima obubangelwa yikuguquka komkhathi. Isigodlo seMelika silobe enkundleni yebulenjini eyeX ukuthi uNkosikazi Tremont uyasekela imizamo kaMnu. Coltart eyokuthi kube lamanzi eneleyo awokusebenzi koBulawayo.
Ngakwelinye icele, abaphatheka kuhlelo lwenhlanganiso ye Wetskills Foundation, imanyene le sigodlo seNetherlands eZimbabwe, iZambia, Malawi, NUST, Green Hut Trust lekhansili yako Bulawayo bathe gwaqa kulelodolobho kusukela ngeviki edluleyo kusiya kwezayo, bedinga amaqhinga okuqeda uhlupho lokusilela kwamanzi koBulawayo.
Kusenjalo, Ikhansili yakoBulawayo ithi iyaqhubeka ngokuxoxisana lohulumende ukuthi amemezele lelodolobho njengendawo edinga amanzi okwesiphangi-phangi i water disaster area.
Umphathintambo kahulumende uMnu. Ziyambi Ziyambi usanda ukutshela idale lephalamende ukuthi ukusilela kwamanzi koBulawayo kubangelwa yizizathu ezehlukeneyo ezigoqela ukungaqhutshwa kuhle kwenhlelo zalelodolobho.
Kodwa umsekeli kaMayor wedolobho lakoBulawayo uMnu. Edwin Ndlovu uthi abatholanga isaziso esibhaliweyo ngokusemthethweni ngalelonyathelo njalo bayaqhubeka bexoxisana lengatsha zikahulumende ezehlukeneyo ngaloludaba, ngoba ukuswelakala kwamanzi koBulawayo kwehlukile kulakwamanye amadolobho.
Your browser doesn’t support HTML5
Ingxoxo loMnu. Edwin Ndlovu