Abantu abafika phose izigidi ezingamatshumi ayisikhombisa, 67.1 million babukela ingxoxompikiswano yabancintisa kukhetho lokudinga umongameli weMelika unNkosikazi Kamala Harris webandla leDemocratic Party loMnu Donald Trump owele Republican Party.
Igxoxompikiswano le eyayilawulwa ngabezindaba abe-ABC News ngeyakuqala phakathi kwababili laba njalo ilakho ukuba ngeyokucina kungakaqhutshwa ukhetho lolu ngoLwezi.
NgoNhlangula ingxoxompikiswano kaMnu Trump loMongameli Joe Biden engakaphumi kulumncintiswano yabukelwa ngabantu abedlula izigidi ezingamatshumi amahlanu 51.3 million.
Olandela ezombusazwe weMelika uMnu Masimba Kuchera utshele iStudio7 ukuthi ingxoxompikiswano iqakathekile kakhulu njengoba ilakho ukutshiya abakade bengakathathi icele sebelecele.
SEE ALSO: Ingxoxo loMnu Masimba Kuchera.