Ubudlelwano phakathi kweleMelika lele-Ukraine bulakho ukuguquka kusiya ngokuthi ngubani onqobileyo kukhetho lokudinga umongameli phakathi kukaMnu Donald Trump loNkosikazi Kamala Harris.
Ngalesisikhathi imikhankaso yabo iqhubekela phambili, akula osecacile ukuthi uzaphatha njani impi ephakathi kweleRussia le-Ukraine.
Ababili laba bakhangelelwe ukwazisa amacebo abo kungxoxo-mpikiswano yangoLwesibili ezaphathwa ngabezindaba abe-ABC News ePhiladelphia.
Ezinye indaba eziqakathekiswa yizizalwane zeleMelika zigoqela udaba lwezenotho kanye lolwemingcele.
Umnu Tim Muringai, olandela ezombusazwe eMelika njalo eyisizalwane seZimbabwe esesihlala elizweni leli utshele iStudio7 ukuthi abavoti abanengi bakhangelele lingxoxo-mpikiswano ezaqhutshwa ngoLwesibili.
SEE ALSO: Ingxoxo loMnu Tim Muringai.